L'UICHIPÉDIA FANES

scrittore	Elvio Grilli

Inserire qui il testo non formattato

Machì a Fan t'j ultim tèmp s'èn imatìti:
da n'idea d'un certo Scopelìti,
alt e séc... sai capéi ch'èn mèśi grigi,
(che pu de nóm se chiamarìa Luigi)

sal svilùp d'un prugràma in tél PC
vrìa de bòt méta dentra, s'fa per dì,
tél Web... un"fanés vucabulâri"
del dialèt... sa tut l'armamentâri!

Ha sentit ma quèj più esperti del dialét:
Simoncelli e pu Balducci(el Prufesór)
Gerbóni e Grilli dentra ste grupét
pu Bandy e Plòto... sal dialèt tel còr!

Han fa in gir tre, quatre o più riunióŋ...
per méta in piéd le regùl del sistema
un sach'e de discórs... de discusióŋ
gramàtica e variànt... èca 'l prublema!

E pu ala fin, per chiuda le questióŋ
è stât decìs de meta pâri pâri
i tre vulùm de chèl vucabulâri
de Silvi e Simoncelli... in cunclusióŋ...

sa tuta na sequènśa de fnestrèl
du se pol meta, parola per parola
sa tut i mòd de dì... de quést e quèl
e cum s'pronuncia a Fan... cum una scòla!

Dacsì... s'pòl gì tel Web... m'avèt da creda
cum se pronuncia lòfer o vulóŋ...
basta che clìchi tuŋ st'aplicaśióŋ
e scapa fòri quél che c'è da vèda!

Pr'intànt se partirìa da sta maniéra
e pu a man a man che se va' vanti,
sal tèmp tut el sistema dla filièra
se slarga... sai cuntribut de tuti quanti!

Dai video ale puesì... tòca fâ cónt
de meta dentra i dialùg e i racònt,
anca i filmati... e pu pensât vujatre
le scenét che fan j'ator dentra 'l teàtre.

Dacsì anca el fanés e la valâta
sai tipi dj dialét machì dla śòna
pudrà gi a véda pròpi de persona
cum se scriv e cum se dič... sa na clicâta.

I tre vulùm de Silvi e Simoncelli
"Come parlano i fanesi" quést se sà
faràn da base per... "Quei giovincelli"
che sal PC... van tla mudernità!

Sal Mòdem sal Uaifai e sal Blutut
ti bar, dentr j'ufici... dapertùt,
del centre o'l pòrt dla periferia
el dialèt sal microchip... archiàpa el via...

dacsì da òĝ in poi... sensa pretés
tèl Web c'è n'atre "Uichipedia"... prò fanés!!

Fano 26 ottobre 2018