Template:Poesia

Se pudésmi arturnà indietra tel pasàt,
chel pasàt ch'en avèn mai scurdàt,
e pudésmi arviva, magari per un giorn sol,
un còn de chel temp ch'è vulàt
sa le persòn più vicin che c'han lasciàt...
E se, quand l'ann è bisestil, chel giorn in più
en fùsa nov, ma dal pasàt arnisa su
una giurnata ch'avèn già visùt
sa tuti quei ch'avèn c'nusciùt...

Chel giorn, quand ce sveghiàn a la matina,
pudrìsmi arsentì la voc de mama
che ce chiama da la cucina
per dic ch'è pront el lat dla c'lasiòn
e dop pasà a butéga da babo dietr'al bancon...
A scola, sa Mario, truvà ma Aldo Zengarini,
Faraoni, Ghiandoni, la Venturini
pronti per la lesiòn e l'interugasiòn...
Entrà in chiesa per di 'na preghierina,
sa don Isidoro che ce dà la bendisiòn
e dop risponda al telèfun ma la Pasquina.

Fermàc a giucà sa Alfredo tel spiasàl
e gi a fà un glr per el cors, dal Frusaglla
a Bazzani, al Libro, fin'arivà al Centràl
per veda ma Tino che serv la murèta...
Guardà ma Storer sal pnèl in tle tnan,
salutà ma Edgardo che pasa ln bicicléta,
incuntrà ma Nello che legg el giurnàl
e dop discùra sa Bertino del carnevà|.
E, a la sera, fà un bel mercànt in fiera
sa zio Aldo, Gigi, ltalo e quater risàt
tra paneton, turòn e ciuculàt !!

Prò, a la fin de sta giurnata speciàl
pasàta sa quei ch'en c'èn più,
lora avrien d'arturnà malasú
e no'avrismi d'arprenda la vita nurmàl...
E alóra, so'sigùr che ce nirìa
'na gran voja de gambià ste finàl,
perchè vrìsmi che el giorn duràsa quatr'ann
per armàna tut'insièm machì a Fan! 

Lusalpan