Discussioni categoria:Poesia

‘NA NUTATA SA LA BOMBA Te el sai cu è sucès? No so’ nut a casa propri adès! “Han truvat giù la Sasonia ma ‘na bomba ancora bona. e sémbrava ‘na scurgina da quant’era piculina.” Mo ier sera dop le ot è scupiat un quarantot. “Su de prèscia citadin mia scapèt subit da cla via e anca vo’ giù al Valat, sia i san che i’amalat.” E’ suces un puteferi a le parol del Sindic Seri. Per le strad la pulisia che strilava de gì via, le famii sal fagutin e sa in brac qualch fiulin èn scapati fora de casa dai parent su a la C’rasa, qualchidun a Cucuran sa ‘na c’perta e ‘n sciutaman. E intant la Tv de Fan sal microfun in tle man che girava tra la gent: “Lei du’ va d’an parent?” “No i vag in t’la palestra me daran un con de m’nestra?” “Mo cu c’è, perchè git via?” -‘na vechina for d’la via- “C’è ‘na bomba giù in Sasonia” “Mo è quela sa la crema bona?” E dacsì s’in giti avanti tuti a fugia: marit e amanti. La nutisia su tuti i giurnai, sui Tg e anca su la RAI. L’han saput in tuta Italia in America e in Australia, è d’ventata Fan internasiunal per ‘na bomba, no pel Carneval! Maurizio 14 marzo 2018